උපත් පාලනය
අපි දැන් කතා කරන්න හදන්නේ උපත් පාලනය ගැන. උපත් පාලනය කියන්නේ සරලව කීවොත් දරුවෙකු පිළිසිදගැනීම වැලැක්වීමනේ. යුවලකට උපත්පාලන ක්‍රම භාවිතා කරන්න විවිධ හේතූන් තියෙන්න පුළුවන්.ඒ අතරින් කිහිපයක් නම් විවාහ වෙලා ටික කාලයක් යනකම් දරුවෙකු බිහිකිරීම ප්‍රමාද කිරීමට අවශ්‍ය නිසා, දරුවන් අතර වයස් පරතරයක් තබාගැනීමට අවශ්‍ය නිසා යන කරුනු ප්‍රධාන තැනක් ගන්නවා. උපත් පාලන ක්‍රම කිහිපයක් තියනවා. ඒ එක එකක් ගැන අපි දැන් කතා කරමුගිලින පෙති
ගිලින පෙති මේ පෙති වල අඩංගු වෙලා තියන්නේ හෝමෝනයි. ඊස්ට්‍රජන් හා ප්‍රොජෙස්ටරෝන් ඒ හෝමොන වෙනවා. මේවා පාවිච්චි කරන්නේ කාන්තා පාර්ශවය. නමුත් ඔබ අළුත උපන් දරුවෙකු සිටින මවක්නම් ටිකක් මේ පෙති ලබාගැනීමේදී සැලකිලිමත් වෙන්න වෙනවා. මොකද දරුවා ලැබිලා මාස 6 ක් වත් යනකම් මෙම හෝමෝන සහිත් උපත් පාලක පෙති භාවිතා කරන්න එපා. ඒකට හේතුව තමයි, මෙමගින් දරුවාට ලැබෙන කිරි ප්‍රමාණය අඩුවෙන්න පුළුවන් නිසා. බොහෝ විට මවු කිරි ලබාදෙන මුල කාලයේ, එන්ම දරු ප්‍රසූතියෙන් මාර 6 ක් පමණ යනතුරු නැවත ගැබ් ගැනීමක් සිදු නොවෙන්න පුළුවන්. නමුත් එය ස්තීරවම කිය නොහැකී. එබැවින් ඒ කාලය තුළ හෝමෝන අඩංගු නොවන උපත් පාලන ක්‍රමයක් භාවිතා කරන්න පුළුවන්. ඒක කෝකටත් හොදයිනේ.දරුවෙකු නොමැතිනම් හෝ වයස මාස 6 ට අඩු දරුවෙකු නොමැති හා නීරෝගී කාන්තාවක් නම් මේ පෙති ගැටළුවකින් තොරව භාවිතා කරන්න පුළුවන්. ඒත් ඕනෑවට එපාවට මේ පෙති භාවිතා කරොත් නම් මේවගෙන් සාර්ථක ප්‍රතිඵල බලාපොරොත්තු වෙන්න බැ.
මෙහි හෝමෝන පෙති 21 හා යකඩ පෙති 7 ක අන්තර්ගත වෙනවා. මේවා ලබාගන්න පිලිවෙල එම පෙති අසුරන වල පිටපැත්තෙහි සදහන් වෙනවා. ඒ පිළිවෙලට දවසකට එක බැගින් ලබාගන්න ඕනේ. හැම දවසකම එකම වෙලාවට මේ පේති ලබාගන්නවානම් ගොඩක් හොදයි. බැරිවෙලාවත් එකදවසක් හරි මේ පෙත්ත බොනන් බැරි උනොත් ඊලග දවසේ ඒ වෙලාවට පෙති 2ක් බොනන් ඕනේ. දින 5ක් 6ක මේ පෙත්ත ගන්න බැරි උනොත් ඔබ ඒ කාඩ් එක අයින් කරලා ඊලග මාසේ වෙනකම් හෝමෝන අඩංගු නැති උපත්පාලන ක්‍රමයක් භාවිතා කරන්න.
No comments:
Post a Comment